VLTF LAWNGTLAI VENGPUI HRIATTIRNA

    Dated Lawngtlai the 9th May 202

Covid-19 hri vei kan pun leh avanga Sawrkarin May 10-17, 2021 chhunga Total Lockdown a puan angin VLTF Lawngtlai Vengpui chuan vengchhung mipuite awmdan tur chungchangah hetiang hian ruahmanna a siam a, hei hi vengchhung mipuite'n zawm ṭheuh turin kan inngen a ni. 

1) Hemi hunchhung hian tumahin mahni In/Compound chhuahsan phal a ni lo. Hei hian VLTF Duty, vengchhung aṭanga Police, Excise, PHE, P&E leh Hospital-a thawkte a huam lovang. 

2) Puipunna lam programme reng reng hman phal loh a ni. 

3) Vengchhung leh pawnah lirtheia veivah phal a ni lo a. VLTF Duty, Police, Damdawi in motor leh VLTF te'n phalna a pekte a huam lovang. 

4) Vengchhungah VLTF hriatpuinain eichawp dawr hawn leh chawhmeh zawrh (vak kual lovin) phal a ni a. Amaherawhchu Heng phalsakte hi zing dar 6 aṭanga tlailam dár 5pm thleng bâk phal loh a ni. Hemi hnua inhawng lui an awm chuan VLTF-in an dawr a kharsak ang. 

5) Hmundanga zin veivah phal a ni tawh lo a, damlohna leh chhiat tawh thilah erawh VLTF phalna dil theih a ni. 

6) Vengchhungah vengchhung mi tán (hmunkhatah mi 5 aia tam lo) hnathawh phal a ni a, vengdanga kan veng mi hnathawh leh vengdang mi kan vengchhunga hnathawh erawh phal a ni tawh rih lo. Dan zawm lo kan inhriat chuan action lâk a ni ang. 

7) An paltlang tur veng/khúa te'n an phalsak a nih chuan Lo leh huan lama hnathawh phal a ni a, Lo/huan kal turte hi zing dar 6 hmain khúa an chhuahsan tur a ni a, tlai dár 4 hmain khúa an rawn lut tur a ni lo. 

8) Mitthi in leh Inneihnaah mi 30 aia tam tel phal a ni lo.

9) Hmundang aṭanga rawn haw tur te'n an lo haw hma nikhat la awmah VLTF-ah hriattir hmasak tur a ni.

10) Thil pawimawh avanga veng pawn aṭanga vengchhunga rawn lut tur te'n an veng VLTF phalna lehkha an nei tur a ni. 

11) Ei in tur nei lo, chhuanchham mai tur kan awm chuan VLTF-ah thlen turin kan inngen a ni.

12) Damlohna leh chhiat tawh thil leh eitur tlakchham avanga chhuah ngai te'n VLTF Office leh Duty post-ah zing dar 8 aṭangin chhuah phalna dil theih a ni. Chhan dang avangin phalna inpek theih a ni tawh lo. 

13) Ṭul tawpkhawk leh mamawh ngah lo turin veng mipuite kan inngen nawn mawlh mawlh e.


VLTF Lawngtlai Vengpui

Post a Comment

Powered by Blogger.