Israel leh Palestinian ten Ceasefire Agreement an pawm
UN Security Council vawi 4 lai thutkhawm pawhin an tih theihloh Israel leh Palestinian inbeihna chawlhsan (Ceasefire Agreement) rawtna chu nizan, zan reitawh takah khan Israel Cabinet on Security chuan a pawm ta. Israel chuan an inremmna hi, "Egypt rawt (proposed) a nia, thutiamkam awmloa a leh lam lehlamin an pawm dun a ni," a ti. A hnu lawkah Palestinian lam pawhin Ceasefire hi ( Unconditional and simultaneous Agrement) a ni tiin an pawm thu an puang. Tukin zing dar 2:00 atanga hman tan turin Ceasefire chu hman tan a ni. Mahse dar 2:00 hnulamah pawh Hamas hian rocket tlem a zawng a la kap chhuak cheu a. Israel pawhin vawi 1 chu a indo thlawhtheihna tirchhuak in Hamas lam chu ava bomb ve hram.
Palestinian chuan an inbeihna hi "Battle of Sward" an vuah. Tunhma a an indona pawhin hming hrang hrang a neih thin kha. An tawrh nasat tehlul nen Palestinian ho chuan tuntum Indonaah chuan hnehtu (victory in the conflict)ah an in puang tlat mai.An Senior member Political Bureau, Ezzat El-Reshik chuan Palestinian naupang tamtak pungkhawmte hnenah ,"Hnehna chu kan chang ta, in(building) chhia pawh kan sa tha leh vek ang," a ti. Tumdanga an indoa an ram an hloh belh thin leh Agreement lo awmtawhte chu Israel thu leh duhdan a siam ang niloa, intiamkamna awmlo ( unconditional Agreement) a nih vang a ni mai thei. A hnuah pawh an hotu dangte pawhin hnehtu -ah an inchhal tlat mai.
An indonaah hian hliam thenkhat in an thih belh zela. Vawiin chawhnu kha chuan Palestinian thi chu 250 an tling tawh, hliam pà wh 1,900 an la ni tawh . Israel thi erawh a ngai 12 an la ni reng.
PÃ lestinian ho Education centre hi 65 tihchhiat a ni a, naupang 42,000 zirna in a tuar dawn a ni.
Hospital leh clinic 18 tihchhiat a nia, an Laboratory lianber antichhiat sak bawka. Heihian hliam tamtak enkawl tur an awmlai leh corona virus veite enkawlnaah harsana a siam nasa hle.
Israel hian thiltihchhiat dang pawh an ngah hlea. In (building) 450, ralthuam siam leh thil dang siamna factory thahnem tak, kawng pawimawh tak tak leh Palestinian ho in an hman tangkai leh an chhuan em em, leiverh (tunnel) nghet leh khua ang maia an chei an tichhe tela. Nichina Nitanyahu thusawi pawhin an tunnel tihchhiat hi a chhuangin a lamri zing hle. He tunnel hi Israel beih nan an hman tangkai em avangin a tihchhiat dan tur hi Israel hian hun rei tak atangin a lo ngaih ruah in a bikin a beihndan tur zir lawkin bomb hman tur bikte pawh an lo ruahman diama. Nitanyahu chuan khawvel sorkar dangten an tihchhiat mai mai theih loh tur an tichhe thei niin a sawi.
He Inbeihna a Hamas Commander tha leh an indomi an thi tam viau chu an tan hnungtawlhna nasatak ala nih ngei rin a ni.
Palestinian thlabara lo awmte chuan Ceasefire hi an lawm em em a. A lawm tura lo pung khawm te leh an Zirtawpni tawngtai bangte pawh an insu thlu lo chauha, an hnam flagte hawiin an lam nasa mai.
Mahni ina awm ngam lo School buildinga thlankhawm mihring 58,000 lai pawh tukin khan an in lamah hlim takin an inthiar hawng leh ta.
Israel lam pawh an hlim hle mai. An redio a indo thu hlir puang thin khan tukin lam chuan hla lenglawng leh ramngaihhla lam a tichhuak thung.
Indo chhung zawnga leh tum dangah pawh Hamas rocket tuar nasa ber thin Ashkelon-ah chuan Hamas rocket 1,000 vel a tla a, India mi 1 leh Thai 2 thi pawh Ashkelon a awm ve ve an ni. Vawiin a Nitanyahu thusawi pawhin Ashkelon chu a a bika an hmasawnna (development ngaihtuahsak an nih tur thu a sawi.
Kum 1948 atang tawhà Egypt hi Israel do rawna nuai chimih rawttu leh meizang hlaptu ber thin a ni a. Mahse ngamloh chala chilhnawm hlawk lohzia a hriatchian tawh avangin Israel do chu a sim tawhà . Camp Davidah Israel nen Agreement ziakin Arab ram zinga Israel Sorkar pawmtu hmasa ber niin, Israel do hi a sim hneh em em a. Tuntum an buainaah pawh hian ram 2ah palai tir kualin ram 2te an be tawna. US Seretary of State pawhin remna hna thawhpuiah chuan Egypt leh hmanni lawka Israel Sorkar pawmtu Qatar a be tawna. Ceasefire hi duhtlangin rawt dantur pawh ruahman diam mahse inremna rawttuah chuan Muslim ram, a thian hlun zawk Egypt hming tih lar hi hun kal zel atan tha berah an ngai a ni ang, a Ceasefire awttu leh vilzui (monitor) tur pawhin Egypt bawk an hmang dawn a ni.
Politics lama tlahniam tak, Nitanyahu pawhin a lar phah hle mai. Israel ho chuan Securityman an tihphaha. Sorkar a form phah thei ngem tih erawh ala hriat loh.
T.Sangkunga
Post a Comment