Maharshtra Chief Minsiter Uddhai Thackeray chuan Covid-19 hri leng thawh hnihna chu nasa takin an tuar mek tih a sawi a, hetih lia hian July leh August thla velah a thawh thumna chu Maharashtra-ah a thleng leh maithei niin a sawi.

    Maharashtra CM Thackeray hian nimin khan state chhunga district hruaitute a kawm a, he hunah hian Thackeray chuan medical team te telna State Task Force-te chuan July leh August thla hian Covid-19 hri leng thawh thumna chuan state chhung a nuai leh dawn niin a sawi a ti a. Hemi atan hian inbuatsaih theihna apiangah kan inbuatsaih a tul a ni a ti.

    Maharashtra health minsiter Rajesh Tope chuan, state chhungah a theih ang anga kan intodelh a ngai a, a bik takin oxigen lamah kan hnianghnar a ngai a, kan CM chuan oxigen tlem chungchang hriat a duh lo a ti.

     Maharashtra state chhunga Covid-19 thawh thumna thleng tur hi medical team te telna state task force te chuan khawvel hmun hrang hranga hri len dan an zir atangin an sawi a. Mithiamte sawi dan chuan state chhungah tuna hri leng hi May tawp lamah a tawp deuh dawn a, July tawp atangin a thawh thumna hi a intan dawn niin an sawi.

    Hetih lai hian Maharashtra-ah hian nimin khan hri vei 66,159 hmuh belh an ni a, hri vei tawh zawng zawng chu 4,539,553 an tling tawh a ni.

Post a Comment

Powered by Blogger.