Recent Posts

More
Tweet Share Share Share Share Share

April 19, 2024
April 19, 2024 (Rauthla) : District Volleyball Association Lawngtlai (DVAL) chuan Dt. 23rd – 27th April 2024 chhung hian President Cup 2024 Volleyball Tournament a buatsaih dawn a, tournament khelhna hmun tur hi District Volleyball Court, Chawnhu a ni ang.


DVAL chuan an hnuaia Affiliated Club zawng zawngte harsatna lian tham an nei anih loh chuan he tournament-ah hian tel vek turin an hriattir a. Club tel lo te chu DVAL Technical Board in an chungchang a ngaihtuah dawn a ni.

President Cup Volleyball Tournament atan hian Manager Meeting siam a ni dawn lo a, Dt. 21st April 2024 zanah Official Tie Draw neih tur ani ang. Official Tie Draw hmain, Squad List & Entry Fee pek tur  ani. Pe lo chu tel phalsak a nni lovang. Squad List & Entry Fee hi Hrangthanzova - 8414897792 leh M. Lalramsiama - 8974636925, Match Commissioner te hnenah pek tur a ni ang.

He tournament atan hian Club tin ten 1st Division Player pakhat an la thei ang a, Loan-in DVAL Club hnuaia Register Player pakhat an la thei ang. Reinforcement Player Lawngtlai District chunga mi ngei, khawi Club-ah mah la in register lo pakhat an la thei ang. Club ten an Player lak te hi Dt. 21st April 2024 ral hma in Match Commissioner hnenah an hriattir tur a ni ang.

Jersey a hnung leh hmaah Number a in nemkai tur ani a, Tournament-ah hian MVA Technical Rules thar ber hman tur a ni bawk. Kum 35+ tan tournament buatsaih tel a ni bawk ang a, he category-a khel tur hian kum 1988 January thla a piang chin te anni tur ani a. Pooof Document atan Aadhar Card hman tur ani ang. Tournamnet-ah hian Nivia (Spotvolley) Volleyball hman tur a ni bawk.

Prize :

Men Champion : Rs. 30,000/- Trophy & Certificate
Runner Up : Rs. 15,000/-

Women Champion : Rs. 15,000/- Trophy & Certificate
Runner Up : Rs. 8,000/-

Mimal Lawmman :

Best Setter (Men & Women) Trophy & Certificate
Best Spiker (Men & Women) Trophy & Certificate
Most Promising Player (Men & Women) Trophy & Certificate

35+ MEN ONLY

Champion : Rs. 6,000/- Trophy
Runner Up : Rs. 3,000/-

Entry Fee : Rs. 1,000/- (For Men)
Rs. 800/- (For Women)
35+ Men : Rs. 500/ 
Read more »
Tweet Share Share Share Share Share

April 19, 2024
April 19, 2024, Lawngtlai : Lok Sabha MP Inthlan vote thlak a zo fel ta a. Mizoram District hrang hrang a vote tlak dan percentage chu hetiang hi a ni.


Aizawl District - 53.13
Lunglei District - 57.54
Siaha District - 54.95
Kolasib District - 56.97
Mamit District - 63.22
Saitual District - 53.31
Khawzawl District - 59.76
Champhai District - 56.38
Serchhip District - 59.06
Hnahthial District - 55.88
Lawngtlai District - 63.36

Hei hi CEO office atanga final voter turnout tarlan ani a. Mizoram ah Voters 856364 awmin vote tla zawng zawng hi 485414 niin 56.68 % a ni.

Lawngtlai District ah hian Vote 92455 awmin Vote tla zawng zawng hi 58575 a ni.


Lawngtlai District ah hian MLA constituency pathum (3) a awm a. 36- Tuichawng ah hian Voters 36511 awmin mi 26456 ten vote an thlak a, za zelah 72.46% a ni a. 37-Lawngtlai West ah hian Voters 29790 awmin mi 19212 ten vote an thlak a, za zelah 64.49% a ni ve thung a. 38-Lawngtlai East ah hian voters 26154 awmin mi 12907 ten vote thlak in, za zelah 49.35 a ni a. Lawngtlai District bikah chuan 38-Lawngtlai East ah hian vote a tlachhe ber ani. 

Mizoram a MLA constituency 40 zing ah 38-Tuichawng Constituency ah vote a tla tha ber a, za zelah 72.46% a ni a. Vote 28972 awmna 13-Aizawl East-I ah Vote tlachhe ber in vote 13969 a tla a, za zelah 48.22% ani.
Read more »
Tweet Share Share Share Share Share

April 19, 2024
April 19, 2024, Lawngtlai : Lok Sabha Inthlanpui, 2024 thawh khatnaa 1-Mizoram Parliamentary Constituency hnuaia Lawngtlai District chhunga polling station 181-ah vawiin khan vote thlak niin, tluang takin vote thlak hi zawh fel a ni a. Lawngtlai District-a vote awm thei zawng zawng 92,455 (mipa 46,150 leh hmeichhia 46,305) aṭangin vote thlak nana hman Electoral Voting Machine (EVM)-ah vote 58,586 (mipa 30,666 leh hmeichhia 27,920) a tla a, 63.36% vote tla ang a ni.


Lawngtlai District chhunga polling station 181-ah hian zing dar 7 aṭangin vote thlak ṭan a ni a. Vote thlak chhungin harsatna lian tham sawi tur a awm lo va. Polling station zawng zawngah hian vote thlak zawh hun tiam tlai dar 5-ah vote thlak khar theih vek a ni.

Poll closed report aṭanga a lan danin 36-Tuichawng assembly biala polling station 70-ah vote awm thei zawng zawng 36,511 (mipa 18,573 leh hmeichhia 17,938) aṭangin EVM-ah vote 26,456 (mipa 14,323 leh hmeichhia 12,133) tlain, 72.46% vote tla ang a ni a. Lawngtlai West biala polling station 69-ah vote awm thei zawng zawng 29,790 (mipa 14,931 leh hmeichhia 14,859) aṭangin EVM-ah vote 19,217 (mipa 9,875 leh hmeichhia 9,342) tlain, 64.51% vote tla ang a ni a. Lawngtlai East biala polling station 42-ah vote awm thei zawng zawng 26,154 (mipa 12,646 leh hmeichhia 13,508) aṭangin EVM-ah vote 12,913 (mipa 6,468 leh hmeichhia 6,445) tlain, vote 49.35% tla ang a ni.
Read more »
Subscribe to: Posts (Atom)
Powered by Blogger.